Një 34-vjeçare shqiptare dhe djali i saj i mitur janë zhdukur në Gjermani që nga paraditja e së enjtes. Mediat gjermane shkruajnë se policia dyshon se Nasibe K dhe 3-vjeçari, janë marrë peng dhe janë kthyer drejt Shqipërisë.
Sipas policisë vendase, dyshohet se ata janë rrëmbyer nga persona që lëviznin me një makinë tip “Audi”. Bild raporton se dyshimet e hetuesve lidhen me ish-bashkëshortin e Nasibes, Blerimin.
Gjithashtu policia ka shtuar se rrëmbimi mund të jetë plan i tij, dhe të enjten në mbrëmje ai u arrestua në Ratingen.
Gruaja dhe djali i saj u zhduken teksa ishin duke pritur autobusin, kur një “Audi” u ndal para tyre, dhe persona ende te paidentifikuar kanë rrëmbyer gruan dhe djalin 3-vjeçar, raporton albinfo.ch.
Duke mos vërtetuar dot lidhjen e tij me ngjarjen, burri i te zhdukurës dhe babai i djalit u lirua të premten nga Policia. Pavarësisht se po vijojnë kërkimet për gjetjen e tyre, ende nuk ka asnjë gjurmë.
