Khaby Lame ka arritur sot 24 milionë ndjekës në Instagram dhe tashmë është zyrtarisht mbreti italian i rrjeteve sociale.
Chiara Ferragni e cila deri më tani ka qënë më e ndjekura në Itali, ka kaluar në vendin e dytë me 23.9 milionë ndjekës.
Që nga momenti që Lame filloi të postojë video në Tik-Tok, ai filloi të kishte dhe një popullaritet të lartë dhe në rrjetin social në Instagram.
Khaby fiton nga 400.000 ndjekës çdo ditë, ndërsa Ferragni nga 10.000 deri në 20.000 çdo ditë.
Megjithatë, mbretëria e vërtetë e Khaby Lame është Tik-Tok, ai është personi i tretë më i ndjekur në botë me 74 milionë ndjekës, pas Addison Rae dhe Charli D’Amelio.
Si u bë i famshëm në Tik-Tok Lame?
Në pranverën e vitit 2020, Khaby Lame ishte vetëm 20-vjeç dhe jetonte në Chivasso, në provincën e Torinos, kur vendosi të hapë një profil në Tik-Tok dhe të postojë video.
Shumë shpejt ai mori një famë të gjerë, pasi videot e tij me disa mimika qesharake dhe lëvizje duarsh bëri për të qeshur miliona njerëz të cilët ndodheshin në karantinë gjatë fillimit të pandemisë./MCN. tv
