E mbushur me deklarata e reagime të njëpasnjëshme ka qenë diat e sotme për klubin e Barcelonës dhe personat dikur të lidhur me të.
Fjalët e drejtorit sportiv të Barçës, Eric Abidal për shkarkimin e ish teknikut Ernesto Valverde që sipas francezit u largua se nuk e donin lojtarët solli reagimin e yllit të kataluansve Lionel Messit.
Në një reagim në rrjetet sociale, Messi i është drejtuar Abidal duke i thënë që të flasë për emra dhe të mos drejtohet për lojtarët në përgjithësi, duke sulmuar kështu në mënyrë të drejtpërdrejtë zyrtarin.
Kjo ndodhi duket se ka shqetësuar shumë edhe presidentin Josep Maria Bartomeu, i cili ka bërë një takim urgjent me Abidal dhe kudo po qarkullojnë zëra se francezi mund të shkarkohet.
Madje media spanjolle “Mundo Deportivo” e ka bërë këtë gjë tashmë fakt të kryer dhe pritet vetëm zyrtarizimi nga klubi./Fjala.al/
