Organizata e Kombeve të Bashkuara ka publikuar së fundmi ka publikuar raportin Global Social, i cili tregon se norma e varfërisë në Shqipëri në qytete, është më e ulët se mesatarja kombëtare.
Më saktësisht kjo normë fiksohet në 0.74, dhe një pikëzim nën 1 tregon se varfëria në qytet është më e ulët se mesatarja kombëtare. Kjo normë varjon sipas tipologjisë së qytetit.
Në qytetet shumë të vogla, norma ngjitet në 0.79, në ato të mesme në 0.73, ndërsa në qytetet e vogla, zbret në 0.68, thotë raporti më i fundit i Organizatës. Ky raport i referohet pabarazisë në një botë që po ndryshon me shpejtësi, duke dokumentuar ndasitë e thella mes të njëjtit shtet, pavarësisht rritjes së standardit të jetesës apo rritjes ekonomike.
Gjinia, etnia, raca, vendi i rezidencës apo statusi socio-ekonomik vijojnë të përcaktojnë shanset që njeriu ka në jetë, thotë raporti. Gjithsesi, po t`i referohemi të dhënave të vendit tonë, duket se pabarazia nuk është aspak e theksuar, të paktën referuar varfërisë sipas madhësisë së qytetit. Diferencat janë mjaft të vogla.
