Numri i rasteve të të prekurve nga koronavirusi në Kinë është zvogëluar për dy ditë rresht, por sipas zyrtarëve kinezë më e keqja mund të mos ketë përfunduar ende.
Drejtori i Përgjithshëm i Organizatës Botërore të Shëndetësisë Tedros Adhanom Ghebreyesus tha në një konferencë për shtyp se ka të paktën 31.211 raste të konfirmuara në Kinë dhe të paktën 637 të vdekur, transmeton CNBC.
Megjithatë, është “shumë herët” për të treguar kur virusi do të arrijë përsëri ose ku mund të përhapet, u tha gazetarëve Dr. Mike Ryan, drejtori ekzekutiv i programit të urgjencave të OBSH-së.
“Ne duhet të jemi shumë të kujdesshëm në bërjen e parashikimeve”, tha ai. “Ka cikle transmetimi dhe ne mund të shohim që ato raste rriten gjatë ditëve të ardhshme, por të paktën për momentin, gjërat janë të qëndrueshme”. Agjencia konfirmoi gjithashtu se ka dërguar pajisje mjekësore, përfshirë maska, doreza dhe teste diagnostikuese, në të gjithë botën.
