Dy amerikanë po ndërtojnë në Sarandë një strukturë agroturistike të mundësuar nga bashkëpunimi me AZHBR nëpërmjet programit IPARD. Lajmin bëri të ditur drejtoresha e Agjencisë së Zhvillimit Bujqësor dhe Rural, Frida Krifca nëpërmjet një postimi në Facebook.
“Botë Farm dhe ëndrra e Kyle dhe Shaën, dy amerikanëve të dashuruar me Sarandën, po merr formë në Finiq. I janë futur punës me ritëm, me synimin për ta hapur fermën, në fillim të sezonit tjetër. Terreni është i vështirë por këmbëngulja e madhe. Bukuria e luginës së Mesopotamit, marramendëse e i jep motiv për të punuar më shumë e më shpejt.
I vizitova te shoh se si me mbështetjen e #AZHBR nëpërmjet Programit IPARD po jetësohet kontrata që kemi nënshkruar me ta ku do të ngrihen gjashtë struktura akomoduese, restorant me kuzhinë të hapur, pishine si dhe infrastruktura që janë të nevojshme për funksionimin e një ferme të vizitueshme agroturistike. Koncepti i diversifikimit të fermës këtu është emancipues. I fton vizitorët të jetojnë fermën, kultivojnë produktet, ti gatuajnë ato, në fshat, 15 minuta larg Jonit” u shpreh drejtoresha.
