Kryeministri i Kosovës, Albin Kurti ka reaguar për debatin e hapur mbi çështjen e taksës ndaj produkteve serbe.
Kreu i qeverisë së Kosovës përsëriti edhe njëherë qëndrimin e tij dhe të koalicionit qeveritar se është gati të heqë taksën ndaj produkteve serbe sapo të vendoset reciprociteti.
Ai shton gjithashtu se Serbia duhet të ndalë fushatën për çnjohjet e pavarësisë së Kosovë.
“Tarifa 100% hiqet porsa të vendoset reciprociteti. Shumë shpejt fillojmë t’i përgatisim Doganat e Kosovës për këtë. Si Kryeministër i Republikës së Kosovës e kam shprehur vullnetin që ta heqim tarifën 100%. Pres që Serbia të deklarohet se ka vullnet për ndaljen e fushatës për çnjohjet e pavarësisë së Kosovës”, shkruan Albin Kurti në Facebook. /Fjala.al
