Pesë ditë pasi u lirua nga paraburgimi, Vladimir Gjuta është bërë sërish protagonist. Këtë radhë ai është shfaqur pranë selisë së Partisë Socialiste ku po mbahej mbledhja e Kryesisë së kësaj force politike. Ndërsa ai është shoqëruar në polici nga trupa e gardës të vendosur pranë selisë së Partisë Socialiste.
Sipas dëshimtarëve Gjuta mbante armë zjarri me vete në momentin që është ndaluar nga garda, ndërsa tentoi të hyjë edhe në selinë e PS-së. Në këtë mënyrë garda ka neutralizuar Gjutën, duke e shoqëuar për në polici.
Gjuta u lirua para 5 ditësh nga paraburgimi pasi akuzohej se kishte rrahur me çekiç kushëririn e tij.
Gjuta e ka rrahur paq kushëririn pasi viktimës i janë thyer disa dhëmbë dhe ka dëmtuar njërin sy. I dhunuari e denoncoi Gjutën në Polici, pas goditjes që mori prej tij me çekiç. Ndërsa shkaqet vijojnë të mbeten mister. Por, më pas i dhunuari është tërhequr nga denoncimi dhe Gjuta u la i lirë.
Vladimir Gjuta është një person shumë i njohur për drejtësinë, teksa ai ishte njeriu që i vendosi tritol farmacisë së babait të Saimir Tahirit, në vitin 2015, kohë kur vetë Tahiri ishte ministër i Brendshëm.
Në atë periudhë ai tentoi të largohej drejt Kosovës i maskuar me një paruke në kokë, por pas një kontrolli nga ana e Policisë në makinën e tij, ai ra në pranga. Për këtë ngjarje u arrestua dhe Ernest Gjuta dhe Baftjar Bruka.
Megjithatë, ai do të lirohej në vitin 2016, dhe pas lirimit ai u arrestua sërish pasi akuzohej për dhunë fizike ndaj babait të tij. /Fjala.al/
