Ish-ministri italian i brendshëm Matteo Salvini ka dalë në gjyq në Sicili, i akuzuar për ndalimin e ankorimit të një varkë emigrantësh në gusht 2019.
Politikani i krahut të djathtë mohon akuzat për shperdorim të detyrës.
Dëshmitarët e prokurorisë përfshijnë aktorin hollivudian Richard Gere, i cili ishte në bord. Salvini mbylli portat për anijet e shpëtimit, duke lënë dhjetëra emigrantë të shpëtuar nga Mesdheu të bllokuar në një anije spanjolle shpëtimi për tre javë në kushte të përkeqësuara. Ai përballet me një maksimum prej 15 vitesh burg nëse shpallet fajtor. Në ditën e hapjes së gjykimit, gjyqtari lejoi të dëshmonin të gjithë dëshmitarët e paraqitur nga të dyja palët. Ata përfshijnë gjithashtu ish-kryeministrin Giuseppe Conte dhe anëtarë të kabinetit të tij.
Por i pandehuri u tall me praninë e z. Gere.
Gere kishte hipur në anijen spanjolle Open Arms përpara se ajo të ankorohej pas 19 ditësh në det në ishullin Lampedusa me gati 150 emigrantë në bord. Salvini tha se ai po mbronte politikën e qeverisë së tij të “porteve të mbyllura” që synon të ndalojë emigrantët të bëjnë kalimin e rrezikshëm në Mesdhe.
