Shkencëtarët së fundmi kanë deklaruar se koronavirusi mund të rezistojë në sipërfaqe të ndryshme deri në 9 ditë. Sipas hulumtimeve të bëra në Gjermani, virusi mund të mbetet nëpër sipërfaqe katër herë më shumë sesa gripi normal.
U zbulua se koronaviruset Sars dhe Mers mund të vazhdojnë të qëndrojnë infektive në temperaturën e dhomës deri në nëntë ditë. Mesatarja është katër deri në pesë ditë. Prof Kampf, i Institutit të Higjienës dhe Mjekësisë Mjedisore në Spitalin Universitar Greifswald, tha: “Temperatura e ulët dhe lagështia e lartë e ajrit rrisin më tej jetëgjatësinë e tyre”.
Gjatësia e kohës që viruset e ftohtë mund të jetojnë jashtë trupit është edhe më e shkurtër – zakonisht vetëm disa orë.
Koronavirus 2019-nCov, i quajtur virusi Wuhan, tashmë ka marrë më shumë se 1.000 jetë – më shumë se shpërthimi i virusit Sars në vitin 2003.
Të dy kanë origjinën nga Kina dhe virologët thonë se ato janë gjenetikisht të afërt. Nuk ka terapi specifike. Parandalimi ka një rëndësi të veçantë në mënyrë që të frenohet epidemia, tha Prof Kampf.
Ekspertët supozojnë se rezultatet nga analizat e koronavirusëve të tjerë janë të transferueshëm në virusin më të fundit.
Koronaviruse të ndryshëm u analizuan dhe rezultatet ishin të gjitha të ngjashme./Fjala.al/Burimi: The Mirror
