Për samitin e tretë të mini-Shengenit Ballkanik, Rama, Vuçiç e Zaev pritet të takohen sot në Tiranë. Ndërsa nga ana tjetër Kosova dhe Bosnja kanë deklaruar se nuk do marrin pjesë në këtë takim, pasi ato ndihen të përjashtuara që në fillim dhe nuk ulen në tryezë me Serbinë, shtet me të cilin kanë probleme.
Kryeministri Edi Rama, Aleksandër Vuçiç dhe Zoran Zaev do të zhvillojnë sërish bisedime për Mini-Shengenin e Ballkanit. Të mbledhur që prej pasdites së djeshme në Tiranë, tre liderët do zhvillojnë raundin e tretë të bisedimeve dhe këtë herë do u bashkohet dhe lideri i Malit të Zi, Milo Dukanoviç.
Por kundër jo vetëm këtij takimi po edhe pranisë së palës serbe në këtë takim ka dalë Kosova, autoritetet e së cilës kanë deklaruar publikisht disa herë se nuk do marrin pjesë në këtë Samit, pasi ato ndihen të përjashtuara që në fillim dhe nuk ulen në tryezë me Serbinë, shtet me të cilin kanë probleme.
Në një reagim të djeshëm, Presidenti i Kosovës, Hashim Thaçi e cilësoi këtë një “eksperiment rajonal”, të cilin Kosova refuzon ta njohë. Por një përgjigje e mori nga Rama, i cili tha se Kosova del humbëse nga refuzimi i hyrjes në Samit, pasi sipas tij, kjo tryezë njihet edhe nga SHBA e BE. /Fjala.al/
