Trajneri i Real Madrid, Zinedine Zidane u përfshi në një aksident me makinë ditën e sotme.
Gjatë rrugës për të shkuar në stërvitjen e skuadrës, francezi pati një përplasje në një rrethrrotullim. Pronari i makinës që është aksidentuar me teknikun, Ignacio Fernandez, ka zbuluar detajet e aksidentit raporton media spanjolle “Marca”.
“Sapo e pashë, e njoha dhe i thashë: “Do të doja të isha takuar me ju në rrethana të tjera, por edhe kështu nuk është keq”-ka thënë shoferi.
Ajo që ka bërë habi është se Ignacio i ofroi policisë dokumentet e sigurimeve, ndërsa më vonë i kërkoi Zidanes një “selfie”.
“Unë i thashë që mund bënim një selfie sepse ndryshe njerëzit nuk do të më besonin nëse do të isha goditur nga makina e Zidanes. Dhe ai me shumë dashamirësi tha po. Zidane hoqi kapelën e tij dhe bëmë fotografinë”,- ka thënë shoferi.
Megjithatë nga raportohet se për fat të mirë nuk pati të dëmtuar nga asnjë prej palëve./Fjala.al/
