Një kullë e re do të ndërtohet në qendër të Tiranës. Ndërtesa do të jetë 24 kate dhe do të duket si mali i Dajlit. Projekti dhe fotot janë bërë publike nga një nga revistat më të njohura ndërkombëtare në fushën e arkitekturës i ka kushtuar vëmendje projektit që arkitekti Mario Cucinella ka në Shqipëri.
Në artikull evidentohet se arkitektit i është dhënë leja për të ndërtuar një kompleks në zemër të kryeqytetit të Shqipërisë dhe punimet do të nisin këtë vit për të përfunduar në vitin 2023. Ndërtesa do të jetë e lartë 93 metra dhe parashikon ambiente publike, rezidenciale dhe tregtare. “Arkitektura e godinës synon të krijojë një oaz jeshil në qendër të kryeqytetit” evidentohet në artikull.
Godina do të ketë 24 kate me nivele të ndara sipas funksioneve, hapësira parkimi dhe argëtimi, kompleks shëndetësor, ambiente tregtare,zyra dhe hapësira edukimi, ndërsa nivelet e larta janë për banim. Po ashtu, kompleksi parashikon edhe një hapësirë dykatëshe që do të shërbejë si kopsht fëmijësh.
