Rusisë ia kanë bërë të qartë të gjithë 2 rrugët që ka përpara. Mesazhin e fortë të Sekretari amerikan i Shtetit, Antony Blinken teksa flet për Ukrainën, Rusinë dhe diplomacinë e Shteteve të Bashkuara, e ka shpërndarë sot ambasada amerikane në Tiranë.
“Ne i kemi dhënë Rusisë dy rrugë. Është rruga e diplomacisë dhe e dialogut…, por është edhe rruga e agresionit të saj të përsëritur dhe pasojave masive që ne e kemi ndërtuar tani për shumë javë./ Dhe nuk jemi vetëm ne që e themi këtë. G7-ta, ekonomitë kryesore demokratike në botë, kanë qënë të qarta për këtë. Bashkimi Evropian ka qenë i qartë për këtë. NATO ka qenë e qartë për këtë”, ka thënë Blinken teksa është rritur ndejshëm frika për luftë.
Presidenti i SHBA Joe Biden, liderët evropianë dhe NATO qëndrojnë të bashkuar në paralajmërimin e tyre ndaj Moskës se një sulm rus ndaj Ukrainës do të provokojë një përgjigje të ashpër, tha të hënën vonë sekretari i përgjithshëm i NATO-s, Jens Stoltenberg. Rreth 8,500 trupa amerikane janë vënë në gatishmëri të shtuar në SHBA në rast se NATO aktivizon Forcën e saj të Reagimit ose nëse situata e sigurisë në Evropë përkeqësohet më tej, ka thënë Pentagoni.
Aleatët e NATO-s kanë vënë forcat në gatishmëri dhe kanë dërguar anije dhe avionë luftarakë për të forcuar mbrojtjen lindore të Evropës, ndërsa tensionet rriten mbi ngritjen ushtarake të Rusisë pranë Ukrainës. Lëvizja e aleancës së sigurisë, e njoftuar të hënën, erdhi pasi Mbretëria e Bashkuar filloi tërheqjen e stafit nga ambasada e saj në Kiev pasi frika vazhdon për një pushtim të afërt rus pas grumbullimit të rreth 100,000 trupave nga Rusia pranë fqinjit të saj. Kremlini ka mohuar në mënyrë të përsëritur planifikimin për të kryer një inkursion.
