Ish-deputeti i Partisë Demokratike dhe një nga politikanët më të njohur në këto 32 vjet në Shqipëri Genc Pollo deklaroi se Lulzim Basha është sjellë nësoj si Zani Caushi. I ftuar në emisionin “Dekalog” të gazetarit Roland Qafoku në RTSH24 Pollo tha se është I njëjti mentalitet dhe është e njëjta sjellje prej të forti. Zani Caushi ishte një prej kapove të grupeve kriminale gjatë ngjarjeve të rënda në Vlorë gjatë vitit 1997 I akuzuar dhë dënuar me burgim të përjetshëm për vrasje. Më poshtë, një pjesë e deklaratave të Genc Pollos bëra gjatë emisioit Dekalog.
Zoti Pollo, nga e gjithë kjo histori përplasjeje në PD, zoti Basha rezultoi dhe doli i fortë. A e pranoni këtë?
Doli i fortë. Doli me moral shumë të diskutueshëm. I fortë doli edhe Zani Caushi.
Ky nuk është krahasim.
Absolutisht që është krahasimi i duhur.
Tani Lulzim Basha si Zani Caushi?
Varet se cili është sensi i politikës. Nëqoftëse mua si Genc Pollo që kam një parti me 100 vetë dhe ngrihen 70 dhe duan të më shkarkojnë dhe unë u them ju nuk eksiztoni. Do mbaj këta 30, apo 10 dhe mbyllem në seli. Oso Kukën nuk e meritoj, por shkoj drejt Zani Caushit. Ky është kategorizimi politiko- moral që unë do bëja për Lulzimin. Kjo vlen për Lulzim Bashën. Të ngrihen 75 për qind për të shkarkuar dhe ti të thuash se nuk ju konsideroj dhe të vësh blinde metalike në selinë qendrore të partisë këtë nuk e kishim parë ndonjëherë. Kemi parë uljet dhe ngritjet në demokraci në Shqipërinë postkomuniste por një refuzim të realitetit duke mbajtur vulën, ky mentalitet është si i Zani Caushit.
