Një çift nga Rusia janë dënuar me burg për keqtrajtimin dhe vrasjen e një maceje. Për rreth dy muaj, bashkëshortët torturuan macen që i përkiste vjehrrës së tyre, duke postuar në rrjetet sociale imazhet tronditëse nga këto tortura.Gjykata e qytetit rus Severodvinsk i cili është i njohur për kantieret e rëndësishme detare të specializuara në ndërtimin e anijeve ushtarake, e ka cilësuar rastin si mizor duke ju dhënë dënimin e duhur çiftit.
Për dy muaj, nga 1 korriku 2021 deri më 31 gusht 2021, çifti postonin vazhdimisht foto apo video të mizorisë që ata ushtronin ndaj maces. Arsyeja që fshihej pas këtyre veprimeve mizore ndaj maces, kishte lindur nga armiqësia mes gruas dhe vjehrrës së cilës i përkiste macja. Çifti vendosi t’ja vidhte macen duke me pas e torturuar dhe vrarë.
Mbrojtësit e kafshëve në Rusi zhvilluan një protestë duke dënuar aktin e tmerrshëm si dhe krijuan një peticion në internet ku mblodhën rreth 300 mijë firma ku kërkonin dënimin e çiftit.
Të pandehurit u shpallën fajtorë në bazë të nenit 245 të Kodit Penal Rus (trajtimi mizor i një kafshe me qëllim shkaktimin e dhimbjes dhe vuajtjes së saj, me pasojë vdekjen, i kryer nga një grup njerëzish, me metoda sadiste, duke e shpërndarë publikisht në rrjetet e informacionit dhe telekomunikacionit).
Burri u dënua me 3 vjet e 6 muaj ndërsa gruaja me 3 vjet e 2 muaj. /© Babel.al.
