Pas rreth 1 viti në arrati, burri i modeles së njohur Anxhela Martini, Dragos Savulescu është vetëdorëzuar në policinë italiane. Dragos Savulescu tashmë ndodhet në paraburgim në Napoli dhe pret të njihet me vendimin e gjykatës italiane.
Mediat rumune shkruajnë se pas kontakteve midis Italisë dhe Rumanisë kanë nisur bisedimet për ekstradimin e tij, proces që pritet të ndodhë në vazhdim.
Pavarësisht se Dragoja ndodhej në arrati Angela Martini, postoi një foto të dikurshme krah tij në ditën e Shën Valentinit. Ndërsa mbrëmë Anxhela Martini ka publikuar një video në Instagram ku shfaqet përkrah Dragos në Itali.
Nuk dihet nëse ka qenë duke udhëtuar mbrëmjen e djeshme ku Drago po vetëdorëzohej në polici apo është video e vjetër. Ajo shkruan krah videos në story-in e saj në Instagram, se dashuria dhe drejtësia e vërtetë gjithmonë fitojnë duke i bërë tag edhe burrit të saj, Dragos. 
Dragos Savulescu ishte në kërkim pasi akuzohet se është përfshirë në një grup kriminal së bashku me 30 anëtarë, ndërsa mendohet se i ka shkaktuar një dëm prej 114 milionë eurosh shtetit rumun lidhur me disa prona në Constatta dhe Mamaia. Dragosi ishte në kërkim ndërkombëtar pasi ai ishte dënuar në mungesë me 5 vite burg.
