Një traget që është nisur nga Italia, ka hasur probleme për zbarkimin dhe ndodhet ende në det të hapur. Pavarësisht tentativës së kapitenit të tragetit për ta ankoruar dhe komunikimit me autoritete portuale gjendja është problematike.
Prej më shumë se një ore trageti ndodhet në det, pak milje larg bregut për shkak të dallgëve të dendura dhe motit të keq që ka përfshirë zonën e Vlorës. Deri më tani nuk ka të dhëna për problem të pasagjerëve dhe ekiupazhit të tragetit dhe autoritete shpresojnë të përmirësohet situata.
Ndërkohë edhe kapeteneria e Portit të Durrësit ditën e premte doli me një komunikatë ku lajmëronte të gjitha anijet për vështirësitë që do të hasnin në ditët në vazhdim për lundrim.
