Tedi Blushi , i cili është dhe zëdhënësi i Presidentit Ilir Meta i është përgjigjur ministres Elisa Spiropali, që pak më herët komentoi reagimin e kreut të Shtetit, lidhur me thirrjen e tij për grusht shteti nga qeveria dhe paralajmëroi për protestë nga 2 mars.
Blushi, në reagimin e tij në Facebook i referohet ministres si “e Çmendura E…”, ndërsa thekson se shumë shpejt do e shohin edhe popullin.
“Moj e Çmendura E., po edhe për grushtin e shtetit keni marrë konsensusin e SHBA-BE? Se Venecian që vetë e kërkuat, po vetë e përzutë!
Megjithatë, ne nuk nxitohemi! Po presim edhe opinionet zyrtare të EURALIUS-it. Se kështu mashtruat ju edhe për opinionet që nuk ekzistojnë të KED, Shkollës së Magjistraturës, dhe Komitetit Shqiptar të Helsinkit, që shkëlqeu me delegjitimimin e ligjit tuaj anti-kushtetues të betimit buzë Lanës.
Mbani fort oligarkët se ata janë të besës.
Sa për popullin, do e shihni shumë shpejt!
Edhe pak durim!
Me qetësi dhe drejtësi!
Për gjuhën jashtë kontrollit, nuk kemi koment, se ti na udhëheq në këtë drejtim bashkë me Skënderbeun tënd”, thotë Tedi Blushi në reagimin e tij.
