Trajneri italian Maurizio Sarri u zgjodh që të sillte ndryshim te skuadra e Juventusit , si dhe të çonte skuadrën drejt triumfit jo vetëm në kampionatin vendas, Serinë A, por edhe në Europë.
Megjithatë puna e teknikut rezultoi zhgënjyese dhe duket se “Zonja e Vjetër” tashmë është duke kërkuar për zëvendësuesin e tij raportojnë mediat italiane.
Duket se skuadra e Juves e pati shumë të vështirë që të përshtatej me skemat e reja, ndaj dhe rezultatet nuk kanë qenë të pëlqyeshme. Për të shmangur zhgënjimet në pjesën e mbetur të sezonit, ku bardhezinjtë kryesojnë garën për titull dhe presin të luajë në 1/8 e Champions, Sarri ka vendosur të përziejë sërish kartat.
Rikthimi i Chiellinit në mbrojtje është një nga skemat që duket se do të përdoret nga Sarri në vazhdimësi, ndërsa dhe përpara pritet të ketë lëvizje.
Mesa duket italiani do vendosë Dybalan dhe Ronaldon në vijën e parë të sulmit në ndeshjet e ardhshme./Fjala.al/
