Policia ka publikuar pamjet e megaoperacionit policor të koduar “Syri i Sheganit”.
Gjatë këtij operacioni u zbardh grabitja e bankës në Koplik, ngjarja e ndodhur më datë 09.05.2022.
Gjithashtu është bërë publike edhe momenti kur polumbarët e RENEA-s, gjatë kërkimit në vendin e quajtur “Syri i Sheganit”, evidentojnë me kamera nënujore, në thellësi gati 30 metra, njërën nga armët që autorët përdorën gjatë grabitjes së filialit të bankës në Koplik.
“Si rezultat u kapën dhe u ndaluan shtetasit: Bekim Gurraj, 22 vjeç, Armir Shabaj, 25 vjeç dhe Admir Shabaj, 19 vjeç, banues në Aliaj, Malësi e Madhe”, njoftoi më herët drejtori i Drejtorisë Vendore të Policisë Shkodër.
