Sipas MeteoAlb, vendi ynë do te jetë në ndikimin e kushteve të qëndrueshme atmosferike duke bërë që moti të jetë i kthjellët me vranësira të lehta e kalimtare të jenë dominante.
Kjo situatë meteorologjike do të vijojë edhe gjatë orëve në vijim ku kthjellimet do të jenë të pranishme pothuajse në të gjithë terrritorin, përjashtuar zonat verilindore dhe juglindore ku pritet zhvillim i vranësirave duke sjellë rrebeshe të izoluara shiu.
Temperaturat e ajrit do të mbeten thuajse kostante në mëngjes dhe në mesditë duke luhatur vlerat ditore nga 8°C deri në 32°C. Era do të mbetet sërish deri e fortë me shpejtësi 45 km/h nga drejtimi veriperëndimor duke bërë që në brigjet detare të gjenerohet dallgë deri në 2 ballë.
Kosova
Kosova do të përfshihet nga masat ajrore të qëndrueshme të cilat do të dominojnë kushtet e moti për gjatë gjithë 24-orëshit në vend. Pritet që paraditja të ketë kthjellime dhe kalime të shpeshat vranësirash. Por gjatë mesditës dhe në vijim kthjellimet do të bëhen më të dukshme në territor.
Maqedonia e Veriut
Republika e MV parashikohet të jetë në dominimin e kthjellimeve por herë pas here priten kalime të shpeshta vranësirash në orët e para të ditës. Ndërsa gjatë mesditës dhe në vijimi pritet të ketë dominim të orëve me diell në pjesë të mirë të MV.
Evropa
Gadishulli skandinav dhe Europa Lindore do të përfshihen nga një sistem frontal duke sjellë vranësira dhe shira në formë shtërngatash. Po ashtu, Alpet e Europës si edhe zonat përreth tyre MBETEN me vranësira dhe rrebeshe shiu. Ndërsa Europa Jugore, rajoni i mesdheut dhe pjesërish qendra e kontinentit mbizotërohen nga moti i kthjellët dhe temperatura të larta.
