Një ngjarje e rëndë ka ndodhur pasditen e sotme në Roskovec të Fierit.
Një djalë i mitur rreth 14-vjeç është zhdukur, dhe dyshohet se është mbytur në lumë. Mësohet se ai nuk është parë prej paradites së sotme teksa kishte shkuar për të peshkuar në brigjet e lumin Seman në fshatin Suk 1, të bashkisë së Roskovecit.
Banorë të zonës kanë njoftuar policinë e cila ka zbritur në terren për të kontrolluar, ndërsa fakti që gjithë sendet e djalit janë në breg, kanë hedhur dyshime se ai edhe mund të jetë hedhur në lum për tu larë.
Informacion paraprak:
Sot, rreth orës 19:00, njoftohemi se në fshatin Suk 1, Roskovec, buzë lumit Seman, një fëmijë 14 vjeç, ka qënë duke peshkuar dhe dyshohet se është futur për tu larë në lum por nuk ka dalë më.
Po punohet për gjetjen e 14-vjeçarit dhe zbardhjen e rrethanave të ngjarjes.
