Kërkimet e bëra së fundmi kanë konfirmuar atë që shumë prej nesh dyshonin tashmë, që Facebook është për të moshuarit dhe të rinjtë përdorin më shumë rrjetin social TikTok.
Përdorimi i internetit nga Gen Z është në rritje, por shkalla me të cilën adoleshentët përdorin Facebook po bie me shpejtësi. Një studim i Qendrës Kërkimore Pew zbuloi se vetëm 32% e adoleshentëve të moshës 13-17 vjeç përdorin Facebook, por në një anketë të mëparshme nga 2014-2015, kjo shifër ishte 71%, duke mposhtur platformat si Instagram dhe Snapchat.
Duket se faqet e mediave sociale të bazuara në imazhe dhe video janë më të popullarizuara në mesin e të rinjve.
95% e adoleshentëve thanë se përdorin YouTube, duke e bërë atë deri tani platformën më të njohur, pasi tre të katërtat e tyre thonë se e përdorin atë çdo ditë.
Sondazhi zbuloi gjithashtu se djemtë kanë më shumë gjasa të përdorin YouTube, Twitch dhe Reddit ndërsa vajzat përdorin TikTok, Instagram dhe Snapchat.
