Numri i të prekurve nga Coronavirusi ka shkuar brenda pak orëve në 283 në Itali, ndërsa deri më tani numërohen shtatë të vdekur. Siç raporton TGcom autoritetet kanë nxjerrë në rrugë edhe ushtrinë për të mbajtur situatën nën kontroll një zonat që ndodhen në karantinë.
Rastet më të shumta janë në Lombardi. Këtu është edhe numri më i madh i të vdekurve nga Coronavirusi, plotë gjashtë të tillë, ndërsa 38 të tjerë të prekur dhe 1 i vdekur janë shënuar në Veneto. Siç raportonin autoritetet, deri në mëngjes numri i të prekurve ishte 232, por duket se nxjerrja e analizave të të dyshuarëve të tjerë ka bërë numri të rritet nga ora në orë duke mbërritur tani në 283. Në Firence është regjistruar gjithashtu rasti i parë me coronavirus. Pacienti kishte mbërritur në Itali nga Singapori.
Ndërkohë është shënuar në Palermo të Siçilisë rasti i parë i infektimit me coronavirus. Për herë të parë raportohet se virusi që ka alarmuar botën ka zbritur edhe në jug të Italisë, pasi deri më tani rastet ishin fokusuar kryesisht në rajonet e veriut.
