Pas dy vitesh pandemi dhe një lufte që ndikoi ekonominë e gjithë Evropës, turizmi ka nisur të rimëkëmbet.
Organizata Botërore e Turizmit e ka renditur Shqipërinë në vendin e katërt në botë për rimëkëmbjen e sektorit të turizmit në 5 muajt e parë të vitit 2022.
Ka qenë ministrja e Turizmit, Mirela Kumbaro e cila ka publikuar shifrat sa i përket flukseve ndërkombëtare.
“Mirëmëngjes me lajmet e mira që sjell Organizata Botërore e Turizmit, e cila e rendit Shqipërinë të katërtën në botë për rimëkëmbjen e sektorit të turizmit përsa i përket flukseve ndërkombëtare në 5 muajt e parë të vitit 2022”, shkruan Kumbaro.
