Presidenti i Republikës, Barjam Begaj ka shprehur ngushëllimet për ndarjen nga jeta të Mbretëreshës Elizabet II.
Me anë të një postimi në rrjetet sociale, Kreu i Shtetit thekson se ajo ishte një mbretëreshë me zemër të madhe dhe do të kujtohet gjithë me respekt dhe admirim.
“Ngushëllime të ndjera Familjes Mbretërore, popullit të Mbretërisë së Bashkuar dhe Komonuellthit për ndarjen nga jeta të Mbretëreshës Elizabet II. Ajo ishte një mbretëreshë me zemër të madhe, forcë e kuraje te jashtëzakonshme dhe do të kujtohet gjithnjë me respekt dhe admirim”, shkruan Presidenti Begaj.
