Ajola Xoxa ka kujtuar sot të atin e saj të ndjerë, një vit nga ndarja e tij nga jeta!
Bashkëshortja e kryebashkiakut të Tiranës, ka publikuar në Instagram një foto me të atin nga kërcimi në dasmën e saj.
E veshur me fustan të bardhë dhe duke u përqafuar me të atin, Ajola shkruan “ Një vit pa ty. Dhe nuk ka asgjë që ta lehtësojë dhimbjen për humbjen tënde. Asnjë përqafim nuk e zëvendëson dot tëndin. Të dua përgjithmonë.”.
Arben Xoxa u nda nga jeta në moshën 67-vjeçare, pasi ishte i sëmurë prej kohësh.
Xoxa studioi gjuhë-letërsi dhe u specializua si kritik arti, gjithmonë me rezultate të shkëlqyera. Ndarja e tij nga jeta ishte një humbje e madhe për Akademinë, por një humbje akoma më e madhe për familjen e tij, shkruan iconstyle.
Ajola Xoxa e ka treguar shpesh këtë duke publikuar dedikime të ndjera në Instagram.
