Real Madrid ka humbur sonte përballë Manchester City në “Santiago Bernabeu”. Me rezultatin e sotëm Manchester City ka hedhur një hap të sigurt drejt çerekfinaleve të Champions League.
Skuadra e drejtuar nga Pep Guardiola triumfoi 2-1 në Madrid, duke përmbysur disavantazhin pas golit të Isco.
Gabriel Jesus dhe De Bruyne me 11-metërsh i dhanë fitoren “Citizens” në një ndeshje që dukej e kontrolluar nga madrilenët.
City kishte një rast shumë të mirë për të shënuar edhe golin e tretë, por Gabriel Jesus u ndalua me faull nga Sergio Ramos kur ishte vetëm përballë portierit, duke bërë që kapiteni i Realit të ndëshkohej me të kuq.
