Kryebashkiaku i Tiranës, Erion Veliaj, ka vizituar këtë të dielë, qytetin e Korçës.
Gjatë vizitës atje, Veliaj është takuar me ministrin e Mbrojtjes, Niko Peleshi, me të cilin kanë vizituar edhe disa biznese e artizanate në Pazarin e qytetit.
Teksa ka ndarë edhe disa foto nga atje, Veliaj thotë se Korça i afrohet shumë kryeqytetit dhe se ndihet krenar për arritjet dhe punët e bëra.
“Nuk ka si Tirana, por Korça i afrohet shumë .
Një gjysmë dite fantastike me mikun tim Niko Peleshi dhe njerëzit e mbarë të Korçës që kanë krijuar një oaz ekonomie plot shije e dashuri në juglindje të Shqipërisë! Ju lumtë, shumë krenar për ju!”, shkruan Veliaj.
