Kryeministri Edi Rama ka shpërndarë shkrimin e prestigjiozes “The Guardian”, e cila e rendit Muzeun Kombëtar të Fotografisë Marubi, në listën e muzeve dhe galerive më mbresëlënëse të Evropës.
“Një histori fotografike e Shqipërisë”, kështu e përshkruan lexuesja Kloe, Muzeun Kombëtar të Fotografisë Marubi i gjendur në qytetin verior të Shkodrës.
Për të, ai është një mrekulli.
Fotografi me origjinë italiane Pietro Marubi hapi studion e parë të fotografisë në Shqipëri këtu në mesin e shekullit të XIX-të, kur vendi ishte nën sundimin osman.
Gjatë tre brezave ai, çiraku i tij Kel dhe djali i Kelit, Gegë, dokumentuan një periudhë magjepsëse të historisë shqiptare, që nga fillimet e lëvizjes për pavarësinë e Shqipërisë, përmes luftës ballkanike dhe asaj të dytë botërore, deri në komunizmin e Enver Hoxhës.
Koleksioni i fotografive të ekspozuara tregojnë bukur të gjitha sferat e jetës – revolucionarë, fermerë, politikanë, muzikantë, fe dhe shumëllojshmërinë e mahnitshme të veshjeve tradicionale shqiptare, shkruhet në artikullin dedikuar Muzeut Kombëtar të Fotografisë Marubi.
