Besnik Mjeshtri vëllai, i Fiqiri Mjeshtrit autorit të vrasjes së dyfishtë në Klos ka rrëfyer në një intervistë ekskluzive për Report Tv, gjithë se çfarë ka ndodhur deri në masakrën me tre të vrarë një ditë më parë. Besnik Mjeshtri u shpreh se ato donin që të sqaronin ngjarjen me dy prindërit e të miturve, ndërsa ndër të tjera rrëfen se ato e kishin bërë vajzën me fjalë duke e kërcënuar dhe duke i nxjerrë edhe foto nudo.
Gjithçka që donin, rrëfeu Besnik Mjeshtri, ishte që të mbyllin bisedën me një miqësi ndërmjet tyre, ky dy të rinjtë të lidhin dashurinë mes tyre dhe ta merrnin 17-vjeçaren për nuse, kjo kërkesë nga ana e Fiqiriu, i cili është përballur më refuzimin e tyre.
“Po vrave kam për të të vrarë. Shkuam për miqësi, Liri nxori disa fletë, ja sa mesazhe ka cuar goca, mora unë kishte shkruar dhe djali, nuk kisha syze të lexova mirë, kur nxori letra, vjen Fatbardhi dhe ulet në tavolinë dhe u nxeh ‘ç’i ke to letra’. Filluan debate, dhe i tha shkurt, a do e marrë gocën apo ku e ke hallin, më vonë vjen Fiqiriu, ulet në tavolinë dhe i pa letrat dhe u tha ‘a do bëhemi miq, hajde bëhemi miq, merre gocën i pafsh hajrin’, tha që nuk e marr gocën se është lidhur me djalin e Hasullës”, ka rrëfyer Besniku.
Po ashtu ai ka treguar detaje, nga momenti kur vëllai i tij qëlloi për vdekje 17-vjeçarin.
