Organizata Botërore e Shëndetësisë jep katër porosi për vendet që nuk janë prekur ende nga Coronavirusi. OBSH kërkon testimin e planit të emergjencës për qeveritë e këtyre vendeve dhe gjithashtu lëshoi disa rekomandime për publikun se si mund të administrojë virusin në rast shpërthimi.
OBSH u kërkon qeverive të këtyre vendeve të testojnë me përpikmëri planet kombëtare të gatishmërisë me njohuritë e reja në lidhje me efektivitetin e masave jo-farmaceutike kundër COVID-19, të cilat përfshijnë zbulimin e shpejtë, izolimin, sigurimin e kapaciteteve mbështetëse të frymëmarrjes, gjurmimin dhe menaxhim të rreptë të planit të posaçëm për COVID-19. Dhe të shpejtojnë menjëherë mbikëqyrjen për COVID-19, pasi zbulimi i shpejtë është thelbësor për frenimin e përhapjes. Konsideroni testimin e të gjithë pacientëve me pneumoni atipike për virusin COVID-19, dhe shtoni testimin për virusin në sistemet ekzistuese të mbikëqyrjes së gripit.
Porositë për publikun që nuk është prekur
1-Të kuptojë që COVID-19 është një sëmundje e re dhe shqetësuese, por që shpërthimet mund të menaxhohen me përgjigjen e duhur dhe që pjesa më e madhe e personave të infektuar do të shërohen.
2-Filloni tani të praktikoni me rigorozitet masat më të rëndësishme parandaluese për COVID -19 me larje të shpeshtë të duarve dhe gjithmonë duke mbuluar gojën dhe hundën kur teshtini ose kolliteni.
3-Azhurnoni vazhdimisht veten me COVID-19 dhe shenjat dhe simptomat e tij (d.m.th. ethe dhe kollë e thatë), sepse strategjitë dhe aktivitetet e reagimit do të përmirësohen vazhdimisht pasi informacionet e reja për këtë sëmundje po grumbullohen çdo ditë; dhe
4-Përgatituni për të mbështetur në mënyrë aktive një përgjigje ndaj COVID-19 në mënyra të ndryshme, duke përfshirë adoptimin e praktikave më të rrepta të distancimit social ’dhe duke ndihmuar popullatën e moshuar me rrezik të lartë.
