Kryeministri Edi Rama inspektoi sot ambjentet e restauruara të Muzeut Etnografik të Gjirokastrës dhe Shtëpinë Muze të shkrimtarit Ismail Kadare.
Kreu i qeverisë i shoqëruar edhe nga ministrja e Kulturës, Elva Margariti nuk kurseu batutat për dokumentarin e ish-diktaktorit famëkeq të regjimit komunist, Enver Hoxha, që shfaqet brenda muzeut të shkrimtarit.
“Enveri në burg. Në burgun e shtëpisë së tij” u shpreh Rama me batutë.
Rama nuk kurseu batutat as me administratorin e Shtëpisë Muze të Ismail Kadaresë, ndërsa i sugjeroi ta mbushë më me shumë libra të autorit të njohur shqiptar.
“Mbusheni me libra, kushdo t’i blejë. Vijeni në dispozicion të njerëzve. Mos u kurse Gjiro, vër libra realë. Të bukur për t’u parë, por të kalojnë kohën.”, tha Rama.
