Sekretari i Përgjithshëm i Partisë së Lirisë, Tedi Blushi thotë se marrëdhëniet e Ilir Metës me Shtëpinë e Bardhë kanë qenë dhe janë shumë të mira dhe korrekte.
Në një intervistë për Euronews Albania, Blushi u shpreh se Meta ka pasur edhe takime të tjera me ambasadoren Kim, pas 25 prillit, përveç atij që u bë publik kohët e fundit.
Blushi zbuloi edhe disa detaje nga takimi i fundit Meta-Kim, që siç tha zgjati rreth 2 orë e 30 minuta.
“Ka qenë një takim që ka zgjatur rreth dy orë e gjysmë. Temat janë bërë publike edhe nga ambasadorja. Ka qenë bisedë e hapur me nota pozitive. Madje, mund t’ju them se takimi ishte karakterizuar nga batuta dhe të qeshura. Kanë qenë gjithmonë të mira marrëdhëniet e PL me SHBA. Nuk kanë fare lidhje me marrëdhëniet e Metës dhe Berishës”, u shpreh Blushi.
Megjithëse marrëdhëniet me Ilir Metës, kur mbante postin e presidentit nuk kanë qenë kaq miqësore me ndërkombëtarët e sidomos me Yuri Kim.
