Skuadra e Lazios vazhdon të marrë rezultate pozitive dhe të ngrihet në renditjen e saj në Serinë A. Skuadra e portierit të Kombëtares Shqiptare të Futbollit, Thomas Strakoshës, ndodhet tashmë në krye të kategorisë më të madhe të futbollit në Itali.
Skuadra e tij ka fituar me rezultatin 2-0 ndaj Bologna-s, duke siguruar kështu 3 pikët e radhës. Megjithatë duhet theksuar se Lazio mbylli javën e 26 të Serisë A, ndërsa Juventusi i vendit të dytë ka një ndeshje më pak, kurse Inter dy më pak. Ky fakt nënkupton se nuk i dihet nëse rezultatet e ndeshjeve të tyre do ta ndryshojnë sërish renditjen.
Megjithatë kjo është fitorja e 4-t radhazi për ekipin e Strakoshës dhe portieri shqiptar ka bërë një paraqitje fantastike duke e mbajtur të paprekur portën, ndonëse Bologna ka pasur plot 5 raste për të shënuar./Fjala.al/
