‘Shqipëria ka bërë një progres domethënës veçanërisht në luftën kundër krimit të organizuar dhe shtetit ligjor‘. Ky është konstatimi që bën Komisioni Evropian në raportin e tij.
Komisioni Evropian vlerëson se vijimi i procesit që nga viti 2019 për hapjen e negociatave me Shqipërinë është ende i vlefshëm dhe ai duhet të merret në konsideratë nga vendet anëtare të Bashkimit Evropian.
Në raport theksohet gjithashtu edhe fakti se numri i azilkërkuesve shqiptarë në vendet e Bashkimit Evropian kanë ndjeshëm së fundmi.
Sipas raportit, në vitin 2019, vetëm 5,599 shqiptarë aplikuan për azil në vendet e Bashkimit Evropian përkundër shifrës së lartë të konstatuar në vitin 2017, ku numri i azilkërkuesve arrinte në 7,633.
“Në kuadër të arritjes së një progresi domethënës dhe përmbushjes së kushteve të përcaktuara në mënyrë unanime nga Këshilli Evropian në Qershor 2018, Komisioni Evropian rekomandoi në paketën e tij të zgjerimit 2019 që Këshilli të hapë negociatat e pranimit me Shqipërinë. Në përgjithësi, Shqipëria ka rritur përpjekjet e saj dhe ka dhënë rezultate të mëtejshme të prekshme dhe të qëndrueshme në fushat kryesore të identifikuara në Konkluzionet e Këshillit në Qershor 2018. Si rrjedhojë, bazat e rekomandimit të Komisionit për vitin 2019 për të hapur negociatat e pranimit me Shqipërinë mbeten të vlefshme.”- thuhet në përfundimet e raportit.
