Emanuele Egbo ishte i vetmi trajner që arriti t’i jepte skuadrës së Tiranës tre fitore të njëpasnjëshme.
Tekniku provizor i bardhebluve ishte ai që drejtoi ekipin në fitoren e derbit me rezultatin 2-1, të ndeshjes me Flamurtarin me 2-0 dhe takimin e djeshëm me Laçin 2-1.
Pas shkarkimeve të dy trajnerëve brenda 14 javëve të këtij sezoni për shkak të dështimeve që po e çonin Tiranën drejt zonës së rrezikut, puna e trajnerit të portierëve aktualisht menaxher i përgjithshëm i bardhebluve e ndryshoi komplet rrjedhën e rezultateve.
Ndonëse drejtuesit e këtij klubi e shohin seriozisht vazhdimin e sezonit më Egbo-n në stol, ky i fundit nuk dëshiron që të marrë përsipër këtë përgjegjësi, por u ka lënë kohë atyre që të gjejnë një zëvendësues.
Për këtë arsye Tirana është duke vëzhguar mundësinë më të mirë të mundshme, duke hedhur sytë edhe nga Ilir Daja, por nuk dihet nëse do ketë një kalim të tij të bardheblurtë e kryeqytetit./Përgatiti: Fjala.al/
