Gjykata e Apelit ka shtyrë sërish seancën për statutin e Partisë Demokratike. Seanca është shtyrë për shkak të mungesës së një anëtari të trupës gjykuese. Ende nuk janë dhënë detaje se kur mund të mbahet seanca e radhës.
Prej 25 marsit Komisioni i Rithemelimit drejton selinë blu, ndërkohë që në gjykatë vijon të jetë pa një vendim kërkesa e Enkelejd Alibeajt për të regjistruar Kuvendin e PD-së në 18 dhjetor dhe gjithashtu ankimi për të rrëzuar vendimin e Gjykatës së Shkallës së Parë që njohu si legjitim Kuvendin e PD-së në 11 dhjetor.
Berisha kërkoi që konfliktit të brendshëm t’i japë një zgjidhje politike dhe jo juridike. 7 ditë përpara se të zgjidhej në krye të PD-së, Berisha ka kërkuar sërish nga gjykata që të zbardhë vendimin e gjyqtares Blerina Muça që pranoi ankimin e Enkelejd Alibeajt për rrëzimin e vendimeve të Kuvendit të 11 dhjetorit 2021. Ai nisi betejën e tij për të marrë drejtimin e partisë që themeloi vetë, pasi Lulzim Basha e përjashtoi nga grupi parlamentar demokrat sepse u shpall “non grata” nga SHBA për korrupsion e minim të demokracisë.
