Gjykata e Lartë e Britanisë ka shpallur të ligjshëm planin e qeverisë për dëbimin e emigrantëve të paligjshëm drejt Ruandës.
Sipas marrëveshjes, Mbretëria e Bashkuar planifikon të dërgojë një numër emigrantësh që mbërrijnë në Britaninë e Madhe në rrugë të paligjshme apo me barka, për në këtë shtet të Afrikës Lindore dhe atje të përpunohen kërkesat e tyre për azil.
Sipas mediave britanike, nuk dihet nëse mes tyre ka shqiptarë dhe sa është numri i tyre. Britania i ka paguar Ruandës 146 milionë dollarë sipas marrëveshjes së arritur në prill, por askush nuk është dërguar ende në atë vend.
Por ditën e sotme Gjykata e Lartë u dha fund diskutimeve dhe Lordi i drejtësisë Lewis tha se politika e diskutueshme e paraqitur nën Boris Johnson ishte “në përputhje me konventën e refugjatëve”.
