Ambasadorja e Shteteve të Bashkuara të Amerikës në Tiranë, Yuri Kim, është takuar këtë të mërkurë me Ministren e Drejtësisë, Etilda Gjonaj.
Lajmi është konfirmuar nga vetë ambasadorja Yuri Kim, për “News 24”, e cila ka thënë se ka zhvilluar një takim dy orësh me Ministren e Drejtësisë, Etilda Gjonaj.
Ndër të tjera, kryediplomatja amerikane ka pohuar se e kishte nxitur ministren Gjonaj të vazhdonte të njëjtin kurs të Reformës në Drejtësi.
Kujtojmë që ministrja Etilda Gjonaj ka qenë në fokus të sulmeve të Presidentit Ilir Meta, i cili ka kërkuar edhe dorëheqjen e ministres, duke e akuzuar se ka shpërdoruar detyrën, sa i takon procesit të përzgjedhjes së anëtarëve të Gjykatës Kushtetuese.
