Autori i dhunës ndaj ish kryeministrit Sali Berisha ditën e protestës ka dorëzuar ankimimin ndaj vendimit të Gjykatës së Shkallës së Parë që e la atë në burg.
Gert Shehu kërkon që mos të lihet në burg. Ai akuzohet për goditje për shkak të detyrës dhe plagosjes së lehtë me dashje ndaj kreut të Partisë Demokratike, Sali Berisha.
Mbrojtja kërkon zbutje të masës së sigurisë dhe hetimin e tij në një masë më të lehtë se ajo e arrestit në burg.
