Një 18-vjeçar, i identifikuar si Braian Hoxha ka humbur kontrollin e automjetit që po drejtonte pranë ‘Shkëmbit të Kavajës’ dhe ka përplasur për vdekje 50-vjeçarin, punonjës pastrimi dhe gjelbërimi. Viktima i identifikuar si Bardhyl Beqiri ishte duke pastruar në momentin e përplasjes.
Ngjarja ndodhi në orët e para të mëngjesit. Nga përplasja u plagosën 2 pasagjeret të identifikuara si F. D., 20 vjeçe dhe L. P., 20 vjeçe.
“Në orët e para të mëngjesit, në vendin e quajtur “Shkëmbi i Kavajës”, shtetasi B. H., 18 vjeç, ka humbur kontrollin mbi drejtimin e automjetit, dhe për pasojë automjeti është përplasur me ambientet e jashtme të një hoteli. Si pasojë e përplasjes, ka humbur jetën shtetasi B. B., rreth 50 vjeç (punonjës pastrimi dhe gjelbërimi), i cili në momentin e përplasjes, ishte duke pastruar.
Gjithashtu, nga përplasja janë dëmtuar shtetaset F. D., 20 vjeçe dhe L. P., 20 vjeçe, pasagjere në këtë automjet, të cilat ndodhen nën kujdesin e mjekëve. Drejtuesi i automjetit, shtetasi B. H. është shoqëruar në Komisariatin e Policisë, për veprime të mëtejshme”, njofton policia.
Grupi hetimor vijon punën për sqarimin e rrethanave të aksidentit.
