Bayern Munich prej disa javësh është në kërkim të një zëvendësuesi për të dëmtuarin Manuel Neuer, i cili do të mungojë në pjesën e mbetur të sezonit.
Të shumtë janë emrat që janë dëgjuar për bavarezët, mes tyre edhe ai i Jan Sommer të Borussia Monchengladbach.
Sipas gazetave gjermane, portieri 34-vjeçar zviceran i ka përcjellë drejtuesve dëshirën e tij për t’u larguar menjëherë nga klubi dhe për t’iu bashkuar listës së kampionëve të Gjermanisë.
Siç theksohet, Gladbach nuk do ta pengojë lojtarin, për sa kohë të jenë të kënaqur financiarisht, duke pretenduar shumën prej 5 milionë eurosh për koncesionin e lojtarit.
Këtë sezon, portieri me përvojë ka bërë 11 paraqitje në të gjitha garat për Gladbach.
