Kryeministri Edi Rama, mblodhi sot në qytetin e Durrësit kabinetin qeveritar për tetë orë rresht, për të analizuar vitin 2019 dhe masat që duhet të merren për pasojat e tërmetit, ku është kërkuar rindërtimi sa më i shpejtë i shtëpive.
Rama premtoi se brenda pranverës të gjithë do të jenë me shtëpi të reja, ai shtoi se në janar qeveria ka 7 prioitete, duke nënvizuar se do të kalohet edhe ligji që u la përgjysmë për shkak të tërmetit, i ashtuquajturi anti-KCK dhe gjithashtu nuk do të lihet pas dore as ‘Paktin për Universitetin’.
“Ne kishim mbledhjen e fund-vitit dhe ne bëmë një rezyme të punës së bërë dhe u fokusuam edhe në prioritetet e punëve në vazhdim.
Besoj se kemi plan solid për të nisur procesin e rindërtimit. Objektivi ynë që brenda pranverës të jetë nisur gjithçka dhe për 6 muaj, një pjesë e madhe e atyre që janë në banesa individuale, të jenë sistemuar me shtëpi të re.
Ndërsa, për ata që do të vendosen në komplekse, do të qëndrojnë derisa këto qyteza të ndërtohen.
Menjëherë në janar do të implementojmë 7 prioritete, si dhe do të nisim ligjin kundër-KCK dhe do nisim edhe punën për kampusin universitar, që do të nisë QS, Akademinë e Sigurisë dhe Akademinë e Arteve”,- tha Rama./Fjala.al/
