Autoritetet gjermane dhe norvegjeze kanë goditur një grup të organizuar criminal, të përfshirë në trafikun e drogave midis dy vendeve. Eurojust mbështeti në mënyrë aktive këtë operacion të koordinuar, në të cilin u arrestuan pesë të dyshuar, tre në Gjermani dhe dy në Norvegji. Gjatë hetimeve, 27 kilogramë heroinë dhe një kilogram kokainë u gjetën në një makinë teksa po udhëtonte drejt Norvegjisë. Disa zona janë kontrolluar dhe më shumë drogë është sekuestruar gjatë veprimeve të mëtjeshme në Gjermani.
Hetimet filluan verën e vitit të kaluar dhe treguan se një rrjet kriminal shqiptar po trafikonte drogë nga Gjermania në Norvegji. Në bashkëpunim të ngushtë midis autoriteteve dhe me mbështetje nga Zyrat Ndërlidhëse Gjermane dhe Norvegjeze në Europol, filloi një operacion i fshehtë, i cili çoi në arrestime dhe tregoi përfshirjen e grupeve të krimit të organizuar.
Eurojust ka koordinuar hetimet dhe veprimet midis dy vendeve, me përfshirjen e zyrës gjermane dhe Prokurorit Norvegjez të Ndërlidhjes në Agjenci. Eurojust organizoi një takim koordinues dhe ndihmoi në tejkalimin e pengesave ligjore, duke ofruar këshilla gjyqësore, përfshirë këtu edhe marrëveshjet se kush do të ndiqej penalisht.
