Kanë përfunduar gërmimet për tunelin e Llogarasë. Kryeministri Edi Rama ka qenë i pranishëm ditën e sotme gjatë momentit kur është hapur i gjithë tuneli që pritet të rrisë standartet rrugore dhe të shkurtojë kohën e udhëtimit.
Rama shprehu falënderimet ndaj punonjësve të cilët kanë punuar për përfundimin e gërmimeve të tunelit. Mes të tjerash, bëhet me dije se e gjithë vepra mund të përfundojë deri në 1 qershor të vitit 2024.
“Përfundojnë me një moment emocionues për të gjithë skuadrat e angazhuara, gërmimet e tunelit të Llogarasë, i cili tanimë është i hapur në krejt gjatësinë e vet, falë përmbylljes së procesit më të vështirë për ndërtimin e kësaj vepre infrastrukturore, që do të shkurtojë konsiderueshëm kohën e udhëtimit drejt Jonit, duke rritur njëkohësisht standardet e sigurisë rrugore. Një punë e bërë në kohë rekord që do të pasohet tani me proceset e tjera, deri në përfundimin e plotë të të gjithë veprës, shpresojmë në 1 qershor të vitit të ardhshëm”-shprehet Rama.
