Ditën e sotme në Fermë Sukth në afërsi të rrugës dytësore, është gjendur një trup i pajetë. Sipas noftimit të policisë, viktima u identifikua me inicialet E. K. dhe ishte 44 vjeç.
Nga këqyrja paraprake nuk rezulton të ketë shenja dhune. Në harkun e një ore, 44-vjeçari është personi i tretë që humb jetën, pasi më herët një 79-vjeçar është gjetur i pajetë tek Kopshti Zoologjik në Tiranë.
Një tjetër 60-vjeçar ka humbur jetën gjatë punës pasi ra në kontakt me rrymën elektrike, në Njësinë Administrative Baldushk.
Njoftimi i policisë
Më datë 10.03.2020, rreth orës 13:15, në Fermë Sukth, është gjetur i vdekur në afërsi të rrugës dytësore Fllakë-Sukth shtetasi E.K.,44 vjeç.
Nga këqyrja paraprake nuk janë konstatuar shenja dhune.
Grupi hetimor ndodhet në vendngjarje dhe po punon për zbardhjen e ngjarjes.
