Kryetari i Partisë së Lirisë reagoi pas sulmit me tritol në makinë ndaj kreut të PD në Vaun e Dejës.
Ilir Meta thekson se asgjë nuk e ndal fitoren e Zef Hilës dhe të opozitës më 14 Maj.
Benard Ndreca, që po drejton fushatën e kandidatit të opozitës në Vaun e Dejës, u sulmua me tritol sot në një ngjarje të paprecedent dhe të rrezikshme.
POSTIMI I METES
Solidaritetin më të fuqishëm me Bernard Ndrecën, Kryetarin e PD në Bashkinë e Vaut të Dejës për aktin terrorist me të cilin u provokua sot së bashku me familjen e tij.
Një regjim i pashpresë për t’u ballafaquar me qytetarët, që vetëm i ka mashtruar dhe vjedhur, inskenon akte të tilla cubash të pabesë me qëllim frikësimin e opozitarëve.
Asgjë nuk e ndal Opozitën e Bashkuar me të gjthë qytetarët e ndershëm për të ndëshkuar regjimin e bandave më 14 Maj!
Asgjë nuk e ndal Fitoren e Zef Hilës në Bashkinë e Vaut të Dejës dhe Fitoren 5 me 0 në të gjithë Qarkun e Shkodrës!
