Asambleja e 76 e OBSH/ Manastirliu takon Kluge, në fokus fuqizimi i sistemit shëndetësor

113 563 lexime

124,178FansaPëlqeje

Ministrja e Shëndetësisë dhe Mbrojtjes Sociale, Ogerta Manastirliu zhvilloi një takim me Dr. Hans Kluge, Drejtor Rajonal i Organizatës Botërore të Shëndetësisë për Evropën, gjatë Asamblesë së 76-të të OBSH-së, që po mban punimet në Gjenevë të Zvicrës.

Prioritetet për fuqizimin e sistemit shëndetësor si dhe adresimi i sfidave të mobilitetit të mjekëve ishin në fokus të takimit dypalësh.

“Jemi të fokusuar tek fuqizimi i shërbimit shëndetësor përmes investimeve në sistem, por edhe programeve të reja që po ndërmarrim në kujdesin parësor për të adresuar çështjet e shëndetit mendor, përmes integrimit të shërbimeve socio-shëndetësore.

Strategjia e re e kujdesit parësor që po implementojmë, ka të bëjë edhe me zgjerimin e shërbimeve në kujdesin parësor, duke përfshirë edhe specialitete të tjera në qendrat shëndetësore, si fizioterapistë apo logopedë, për të garantuar më shumë shërbime afër vendbanimit”, tha Manastirliu gjatë takimit me dr. Kluge.

Ministrja Manastirliu dhe Drejtori i OBSH-së për Evropën, Dr. Kluge, ndanë së bashku idenë për krijimin e një platforme komunikimi aktive mes vendeve anëtare për adresimin e sfidës së mobilitetit të profesionistëve të shëndetësisë.

“Prioritet absolut është mbështetja e burimeve njerëzore në shëndetësi, që janë shtylla kurrizore e sistemit shëndetësor.

Ne po ndërmarrim një plan 2-vjeçar të rritjes së pagave dhe mbështetjes për profesionistët e shëndetësisë.

Por për të adresuar çështjen e mobilitetit të mjekëve, e cila nuk i përket vetëm një vendi apo disa vendeve, lipset një platformë aktive komunikimi ndërmjet shteteve, duke shfrytëzuar forma të ndryshme të bashkëpunimit, në mënyrë që të kemi një mbështetje më të madhe për burimet tona njerëzore, përsa i përket trajnimit dhe edukimit të tyre në vazhdim”, tha Manastirliu.

Drejtori Rajonal i OBSH-së për Evropën, Dr. Hans Kluge, vlerësoi iniciativën e Shqipërisë për ofrimin e shërbimeve socio-shëndetësore si dhe propozimin për një platformë ndërveprimi për sfidën globale të mobilitetit të mjekëve.

Lexo edhe :  Çfarë i ndodhë trupit tuaj nëse hani shumë shalqi?

“Përmirësimet në qendrat e kujdesit parësor dhe implementimi i shërbimeve socio-shëndetësore janë thelbësore për forcimin e sistemit shëndetësor, duke adresuar edhe sfidën e shëndetit mendor.

Gjithashtu e çmojmë të rëndësishme një platformë komunikimi ndërmjet vendeve, që adreson çështjen e mobilitetit të forcës së punës në shëndetësi”, tha Kluge në takimin me ministren Manastirliu.

Takimi u zhvillua në kuadër të Asamblesë së 76-të të Organizatës Botërore të Shëndetësisë, që po mbahet në Gjenevë të Zvicrës, me pjesëmarrjen e drejtorit të përgjithshëm të OBSH, Dr. Tedros Adhanom, drejtorit të OBSH për Evropën, Dr. Hans Kluge, Ministra të Shëndetësisë, ekspertë dhe përfaqësues të institucioneve shëndetësore, ku po diskutohet për sfidat e sistemeve shëndetësore, impaktin e pandemisë në shëndetin e popullatës dhe nevojën për të bashkuar forcat dhe forcuar kapacitetet, për të garantuar përgatitje dhe përgjigje të shpejtë ndaj emergjencave shëndetësore si dhe rolin e teknologjisë dhe inovacionit në aksesin e shërbimeve shëndetësore.

Të fundit

Zjarret përfshijnë disa zona në vend, ndërhyrje nga ajri dhe toka

Situata nga zjarret në disa qarqe të vendit vijon të jetë kritike, ndërsa Forcat Ajrore dhe strukturat vendore të...

Ju nuk jeni Kosova, as Shqipëria!

Nga Fejzo Subashi. Nëse edhe sot, nuk e vënë në efiçenc, deputetët e Parlamentit të Kosovës, të zgjedhur në shkurt të këtij viti, pa përjashtim,...

26 korrik 1875/ Lindja e Gustav Jungut: Udhëtimi i mendjes drejt errësirës

Nga Leonard Veizi Në mëngjesin e qetë të 26 korrikut 1875, në brigjet e liqenit të Bodenit, në Kesswil të Zvicrës, lindi Karl Gustav Jung...

“Shuhet” tensioni mes Lautaros dhe Calhanoglu, turku drejt rinovimit me Interin

Paqja më në fund është rikthyer midis Lautaro Martinez dhe Hakan Calhanoglu. Pas tensioneve pas Kupës së Botës për Klube dhe fjalëve të kapitenit...

Finlanda thyen rekordin e nxehtësisë, 14 ditë radhazi me temperatura mbi 30 gradë

Finlanda ka përjetuar periudhën më të gjatë të temperaturave mbi 30 gradë Celsius, duke thyer një rekord 50-vjeçar të temperaturës, tha të martën Instituti...

Lajme të tjera

Web TV